Një prodhim i “Papadhimitri Production” me regjisor, Dionis Papadhimitri, bashkë-producente, Rudina Dembacajn dhe skenarist, Gentian Zenelaj u shfaq premierë në kinemanë, Cineplexx.
Projekti është i bazuar në komedinë e mëparshme “Boing Boing” dhe tregon më shumë për Shqipërinë moderne, atë të ditëve të sotme dhe atë në përmirësim e sipër.
Rudina Dembacaj, e cila përveç si aktore e në këtë komedi është edhe bashkproducente u shpreh e kënaqur me shikueshmërinë e deritanishme të komedisë.
“Të them të drejtën është nata e katërt e premierës dhe tashmë jam siguruar, dhe ndihem shumë mirë me pritjen që na bëhet edhe në Prishtinë, pritshmëria ka qenë pak a shumë si në Tiranë, kemi mbledhur diku rreth 25 mijë shikues dhe të njëjtat pritshmëri i kemi edhe në Prishtinë, për mua nuk kanë shumë rëndësi shifrat në këto moment, ajo që dua unë është që më filmin të qeshin dhe kjo është ë rëndësishme për mua”, u shprej Dembacaj për Tëvë1.
Kurse, skenaristi dhe aktori Gentian Zenelaj foli më shumë lidhur me rolin e tij.
“Është Danieli, një nga personazhet kryesore një djalë i kthyer nga emigracioni i cili vjen dhe përfshihet në jetën e Edit, e cila është një jetë me stuhi të jashtëzakonshme për shkak të femrave të cilat ai ndan shtratin dhe jetën. Është një djalë që futet në këtë turbulencë të madhe, një pasagjer i rastësishëm por që fillon e shijon kjo jetë dhe gradualisht me kalimin e kohës fillon e ka trajta ngjashmërie me personazhin e Edit. Është një rol që e kam shijuar shumë, sepse është shumë larg natyrës time”, tha ai.
Të pranishëm për të ndjekur nga afër premierën ishin figura të shumta publike nga fusha e artit dhe televizionit.
