Klubi i futbollit Dardania nga Baseli, ka njoftuar se ka angazhuar dy futbollistet e klubit zviceran, Grasshopper si anëtare të klubit, në kuadër të shkollës së futbollit.
Pas marrëveshjes me yllin Taulant Xhaka, i cili do të udhëheq ekipin senior, klubi shqiptar ka arritur marrëveshje me Qëndresa Krasniqin, përfaqësuese e Kombëtares shqiptare dhe Viola Abdulin përfaqësuese e Kosovës, të cilat do të kryejnë funksionin e trajnereve të akademisë se klubit dhe do të jenë drejtore e zëvendës-drejtore sportive.
Presidenti i klubit Tahir Çitaku ka falënderuar dy futbollistet që i janë bashkuar projektit dhe kryesinë e klubit për mbështetjen në këtë rrugëtim.
“Ftoj të gjitha vajzat shqiptare dhe jo shqiptare që t’i bashkohen FC Dardania Basel! Këtu do të kenë mundësinë të trajnohen nga profesioniste të vërteta dhe nga kryetrajneri ynë Pascal Trizzino”, ka thënë Çitaku.
