Futbollistet e Kombëtares së Kosovës, të martën kanë nisur përgatitjet për ndeshjet që i presin në edicionin e ri të Ligës së Kombeve.
Nën urdhrat e selektorit Sami Sermaxhaj, “Dardanet” po stërviten në Kampin Nacional të FFK-së në Hajvali, që të jenë sa më të gatshme për duelet që i kanë këtë muaj.
Kosova në edicionin e ri të Ligës së Kombeve, do të garoj në Ligën C dhe është pjesë e Grupit 6, të cilin e përbëjnë edhe Maqedonia e Veriut e Letonia.
Ndeshjen e parë, Kosova e luan më 21 shkurt në udhëtim ndaj Maqedonisë së Veriut, përpara se më 25 shkurt të përballet me Letoninë në Prishtinë.
Në njoftimin e FFK-së, thuhet se futbollistet po punojnë me përkushtim maksimal për të qenë gati për ndeshjet e këtij muaji, që vlerësohen si tejet të rëndësishme.
