Futbollistet e Kosovës kanë shënuar edhe fitoren e dytë në po aq ndeshje të luajtura në turneun ndërkombëtar “Turkish Women’s Cup” që po mbahet në Alanya të Turqisë.
Pas fitores ndaj Hong Kongut (1:0), Kosova ka mposhtur edhe Estoninë. Në duelin e luajtur të shtunën, Kosova triumfoi me rezultatin bindës 3:0.
Futbollistet e përzgjedhëses Anneli Andersen, ka dominuar gjatë tërë ndeshjes kundër Estoninë, duke i dhënë fund dilemës së fituesit në pjesën e parë.
Modesta Uka në mintën e 15-të shënoi për 1:0, përpara se Elizabeta Ejupi ta dyfishoj epërsinë në minutën e 29-të. Rezultatin përfundimtar të takimit, e vulosi Valentina Metaj, e cila në minutën e 32-të realizoi për 3:0 pas asistiimit të Ejupit.
Kosova do ta luaj edhe një ndeshje në këtë turne, ku do të përballet me Indinë javën e ardhshme.
