Futbollistet e Kombëtares U19 të Kosovës janë plotësisht gati për pjesëmarrje në turneun kualifikues për Evropianin e vitit të ardhshëm.
FFK-ja, ka njoftuar të hënën se selektorja Albina Rrahmani tashmë ka publikuar listën e lojtarëve të ftuara për këtë turne kualifikues të rëndësishëm.
Rrahmani ka ftuar 20 futbolliste dhe shpreson në rezultate të mira në këtë turne, ndonëse përball do të ketë kundërshtarë të fortë.
Kosova është pjesë e Grupit A1 së bashku me Gjermaninë, Danimarkën e Greqinë, ndeshjet e të cilit përgjatë shtatë ditëve do të zhvillohen në qytetin e Duisburgut.
Ndeshjen e parë, Kosova U19 e luan të mërkurën me Gjermaninë, përpara se të përballet me Danimarkën tri ditë më vonë kurse duelin e fundit në grup e ka me Greqinë më datën 3 dhjetor.
