Sulmuesi Dardan Shabanhaxhaj mund t’i bashkohet Rubin Kazanit. Skuadra sllovene, Mura, ka pranuar ofertë zyrtare për futbollistin 22-vjeçar.
“Ai do të vazhdojë punën e tij në ambientin e klubit, pasi janë duke u zhvilluar bisedime për transferimin e tij. Uroj që të realizohet. Dardani e meriton ta provojë veten në një ligë më të fortë. Ai gjithmonë mund të kthehet, por shpresoj se do të shkojë vetëm më lart”, ka thënë trajneri i Muras, Vladimir Vermezoviq.
Pjesë e Rubin Kazanit është sulmuesi Mirlind Daku. Daku u transferua pikërisht nga Mura te skuadra ruse.
Për Shabanhaxhajn po ashtu interesim ka shprehur edhe Holstein Kiel, që zë vendin e parë në Bundesliga 2 të Gjermanisë..
