Klubi i basketbollit Peja, ka publikuar listën e ekipit me të cilën do të paraqitet në garat e këtij edicionit, në Kosovë dhe në ndeshjet ndërkombëtare.
Të udhëhequr nga kapiteni Dardan Berisha, i cili ditë më parë zgjati kontratën me klubin, dhe nën drejtimin e trajnerit Greg Gibbson, Peja do të nis sezonin në Superligë dhe në garën ndërkombëtare ENBL, me 16 basketbollistë.
Skuadra ruajti disa nga lojtarët kryesorë vendorë, dhe angazhoi edhe gjashtë përforcime të tjera si Armstead, Flatten, Morris, Green, Johnson e Herndon.
Të premten hedhet shorti për Superligë, ku Peja do të mësoj kundërshtarët, ndërsa sezoni nis me garën e Superkupës, për të vazhduar më pas me ndeshjet në garën ndërkombëtare, në ENBL.
