Pas shkarkimit të Patrick Vieira, Genoa ka gjetur akordin me Daniele De Rossin për rolin e trajnerit.
Daniele De Rossi do jetë trajneri i ri i Genoas në Serie A. Sky Sport bën me dije se mes De Rossit dhe klubit të Serie A është gjetur një akord total dhe ish-mesfushori i Romës ka mbërritur në qytet për të hedhur firmën në kontratë.
Nisja e dobët e sezonit dhe zona e ftohtë e renditjes sollën shkarkimin e Patrick Vieira pas afro një viti në drejtimin e ekipit, teksa klubi ka zgjedhur si pasues të tij një legjendë të futbollit italian.
Daniele De Rossi më herët ishte ndihmësi i Mancinit në kombëtaren e Italisë, para se të drejtonte SPAL-in për 17 ndeshje në Serie A. Më pas karriera e tij vijoi te Roma për 30 ndeshje, kur u largua më 18 shtator 2024. Prej më shumë se një viti DDR nuk e ka ushtruar zanatin e trajnerit, por pasditja e sotme pritet ta gjejë në fushë për stërvitjen e parë me Genoan.
Debutimi për 42-vjeçarin do jetë në fundjavë kundër Fiorentinës, një tjetër ekip që shkarkoi trajnerin Stefano Pioli një ditë më parë.
