Ai rrëfen se si mori rrugën vullnetarisht për të ardhur në Kosovë për t’i ndihmuar shqiptarët e Kosovës.
“Unë vullnetarisht i jam bashkuar UÇK-së. Kam ardh thuajse në përfundit të luftës dhe fatmirësisht nuk kam parë gjëra të tmerrshme që njerëzit kanë përjetuar gjatë asaj kohe. Paraprakisht kam qenë në një grup trajnimi, pastaj jam certifikuar për të qenë në front të luftës këtu. Vullnetarisht kam shërbyer në pastrimin e minave. Kam dëgjuar për njerëzit në Kosovë prej para fillimit të luftë, andaj kam dashur me patjetër t’u ndihmoj pas asaj situate të tmerrshme me të cilën shqipëtarët janë përballur. Cdo gjë ka ndodhur shumë në mënyrë të shpejtë dhe dramatike, një ditë e kaluar ishte e barabartë me 6 muaj, cdo moment kishte rëndësi”, tha Niels Henrik Hooge.
Pas kthimit në Danimarkë, Hooge tregon se ka shkruar një libër që tregon histori e përjetime të shqipëtarëve.
“Libri flet për luftën 1998-99, për traumat e përjetimet e popullit shqipëtar. Unë personalisht nuk kam përjetuar shumë gjatë luftës në Kosovë, por kam njohur shumë njerëz që kanë vuajtur e kaluar gjëra shumë të rënda. Kështu që kam shkruajtur rreth asaj cka ata kishin kaluar. Shumë gjëra mizore kanë ndodhur, mund të them se nëse jot ë gjitha, kam pasqyruar shumicën prej tyre”, shtoi ai.
E në nder të kontributit të dhënë gjatë luftës në Kosovë, Hooge mori mirënjohje nga pjestarët e OVL-së së komunës së Drenasit.
Raporti i gazetares Valëza Sylejmani.
