Sipas tij, kryeministri ende nuk është futur në pozicionin e njeriut që i del zot vendit edhe pse opozitën e ka konstruktive në sfida të mëdha.
Madje, në emisionin “Respublika” në tëvë1 Nurellari ka bërë një krahasim mes ish-presidentit, Hashim Thaçit dhe Kurtit.
Ai thotë se dallimi është i madh sepse Thaçi mendonte për brezat e ardhshme, kurse Kurti dikur mendonte vetëm për vota dhe për të ngjallur emocione nacionaliste.
“Ka një dallim si nata me ditë mes Thaçit dhe Kurtit, dallohen burrështetasi nga politikanët. Politikanët mendojnë për zgjedhjet e ardhshme sikurse mendonte Kurti që shfrytëzonte dialogun për të vjelur disa vota më shumë dhe ngjallur emocione nacionaliste këtu duke dhënë libra mbi krimet ose duke bërë pretendime. Kurse Thaçi kërkonte të kishte një zgjidhje dhe të ishte i përfshirë madje me kosto të mëdha personale duke duruar pa fund sulme personale. Dallimi është ky mes burrështetasit dhe politikanit”, tha ai./teve1.info/
