Testin teorik për patentë shoferë, e kanë pasur disa minuta.
Por, shumë më lehtë gjithë këtë procedurë, e kaluan plot 200 kandidatë të tjerë disa muaj më parë.
Këta brenda disa ditësh, një ekzaminer i kishte pajisur me leje, në Qendrën për Patentë Shofer në Pejë.
E në dyert e tij, të martën trokitën Policia e Kosovës.
Familjarët e këtij të fundit, organeve të rendit u thanë se i njëjti gjendet në pushime.
E ngjashëm më ketë, bastisje u kryen në 10 lokacione, 8 prej tyre në regjionin e Pejës dhe dy në atë të Prishtinës.
E nën pranga për dallavere me patentë shoferë, në këtë aksion të Drejtorisë për Hetimin e Krimeve ekonomike, përfunduan 6 persona.
Detaje për këtë aksion për Tëvë1, ka dhënë prokurorja e rastit në Prokurorinë Themelore të Pejës, Valbona Disha –Haxhosaj.
“Hetimet janë zhvilluar për më shumë se 1 vit dhe i kemi këto janë zhvilluar në bashkëpunim me drejtorinë për hetimin e krimeve ekonomike dhe korrupsion në Prishtinë. Si rezultat i këtyre hetimeve, sot kemi zhvilluar një aksion që lidhet me Qendrën për Patent Shofer në Pejë dhe aksioni është zhvilluar ne Pejë, Deçan, Fushë Kosovë dhe në Prishtinë. Si rezultat i këtij aksioni, janë arrestuar gjashtë persona, një person për shkak të gjendjes së rëndë shëndetësore është liruar, kurse tre persona nuk janë hasur në shtëpi, ndërsa familjarët kanë deklaruar se ata gjenden në pushime”, ka thënë prokurorja e rastit.
E ky rast, të martën në Pejë e solli edhe vet zëvendësministrin në Ministrinë e Infrastrukturës, Hysen Durmishin.
Ky tha se si ministri, janë të pakompromis në luftën ndaj krimit dhe korrupsionit.
“Të gjithë këta zyrtarë të cilët janë arrestuar sot, nuk kanë qenë duke punuar në Departamentin për Patentë Shofer, ne me datën 2 shkurt e kemi mbajtur një konferencë për media, ku kemi prezantuar të gjeturat si ministri për shkeljet që kanë ndodhur në njësinë për patentë shofer në Pejë dhe jo vetëm”, tha Durmishi.
Durmishi folir edhe për të arrestuarit në aksionin e sotëm?
“Nuk e di saktësisht se kush është arrestuar, vetëm kam dëgjuar se ka të arrestuar edhe nga auto shkollat, ekzaminerëve, edhe drejtori i njësisë së patent shoferëve, por që kanë qenë të zëvendësuar me kohë”, tha ai.
Ndryshe, sipas Policisë së Kosovës, gjatë operacionit policor të bastisjes janë sekuestruar 7 mijë e 800 euro, gjashtë telefona mobil si dhe materiale të ndryshme lidhur me testime të kandidatëve.
