Rikthimi te Dallasi ishte emocional për Luka Donçiqin, por edhe një deklaratë e lojtarit dhe tifozëve nga Teksasi, të cilët i dhuruan atij përshëndetjen e munguar që nga kalimi i tij javë më parë te LA Lakers.
Transferi i befasishëm i njërit nga basketbollistët më të mirë të huaj në NBA, la shjje të keqe te tifozët e Dallasit, të cilët të mërkurën mbrëma dhanë përgjigjen e tyre ndaj kryesisë që shiti superyllin pa dhënë një arsye të madhe.
Slloveni Luka u prit me thirrje e duartrokitje gjatë gjithë ndeshjes, derisa drejtori gjeneral i Dallasit, Nico Harrison u vërshëëkye dhe pati thirrje edhe në këtë ndeshje për t’u larguar.
Në parket, Donçiq ishte i vjetri, realizoi 45 pikë por kësaj radhe kundër ish-skuadrës duke ndihmuar Lakers të triumfojnë 112:97.
I ndihmuar edhe nga LeBron James me 27 pikë, 13 prej të cilave në periudhën e fundit, Lakers realizoi fitoren e 49-të sezonale për pozitën e tretë në Play-Off, derisa Dallasi në pozitën e dhjetë duhet të luajë në turneun Play-in për të ëndërruar play-offin.
Mbrëmje e keqe ishte edhe për Phoenix Suns, që pas humbjes së tetë rresht, u eliminuan nga gara për të hyrë në Play-off.
Yjet si Kevin Durant, Devin Booker e Bradley Beal patën një sezon zhgënjyes që i kushtoj Suns me mungesën në Play-off për herë të parë që nga viti 2020.
Rezultatet e së mërkurës mbrëma në Ligën NBA:
Orlando Magic – Boston Celtics 96:76
Washington Wizards – Philadelphia 76ers 103:122
Dallas Mavericks – Los Angeles Lakers 97:112
Toronto Raptors – Charlotte Hornets 126:96
Chicago Bulls – Miami Heat 119:111
Utah Jazz – Portland Trail Blazers 133:126 Golden State Warriors – San Antonio Spurs 111:114
Phoenix Suns – Oklahoma City Thunder 112:125
Sacramento Kings – Denver Nuggets 116:124
Los Angeles Clippers – Houston Rockets 134:117
