Gjatë një interviste për mediet serbe, Jevtiq ka deklaruar se pas dorëheqjes së serbëve nga pozitat e tyre nëpër institucione në katër komunat e veriut të Kosovës, një gj të tillë mund ta bëjnë nëpunësit edhe nëpër komunat tjera të vendit.
“Kryetari i Shtërpcës, Dalibor Jevtiq, ka thënë se ekziston mundësia që edhe serbët në jug të Ibrit të largohen nga institucionet e Kosovës, duke thënë se kryeministri Albin Kurti, i interpreton ligjet në një mënyrë që i përshtatet atij dhe se në Kosovë nuk respektohen ligjet aktuale lidhur me të drejtat serbe dhe komunitetet tjera joshumicë”, ka deklaruar Jevtiq.
Sipas mediumit serb, Jevtiq tha se situata në Kosovë që nga ardhja e Kurtit në pushtet po vështirësohet çdo ditë e më shumë për sa i përket jetës dhe pozitës së serbëve në atë zonë. Sipas tij, gjithçka që ka ndodhur së fundmi është dëshmi se komuniteti ndërkombëtar nuk po e bën punën e tij ashtu siç duhet, në radhë të parë me qëllim të qetësimit të tensioneve dhe tejkalimit të gjithë situatës./Tanjug/
