Sulmuesi i Kombëtares së Shqipërisë, Mirlind Daku, ka pranuar se idhull i tij është legjenda bullgare, Dimitar Berbatov.
Daku 27-vjeçar, që luan për Rubin Kazanin e Rusisë, u takua me Berbatovin gjatë kampit dimëror në Turqi.
Futbollisti kosovar pranoi se ish-sulmuesi i Bullgarisë, nuk e ka njohur por shtoi se Berbatov që gjatë karrierës ka luajtur për Bayer Leverkusenin, Tottenhamin, Manchester Unitedin, Fulhamin e Monacon, ta njoh në të ardhmen.
“Po, ndoshta ai nuk më njeh. Berbatov ndoshta shikon shumë futboll dhe studion shumë lojtarë. Duhet të jetë e vështirë për të që t’i kujtojë të gjithë. Shpresoj se pas këtij takimi ai tashmë do të më njoh. Ishte shumë bukur të bisedoja me të, veçanërisht pasi jam një tifoz i Manchester Unitedit. Ndeshjet e tyre i kam ndjekur qysh në fëmijëri dhe i kam ndjekur paraqitjet e Berbatovit. Prandaj ishte një kënaqësi e vërtetë ta takoja personalisht”, ka thënë Daku për “Match Premier”.
Daku me Rubin Kazanin janë duke zhvilluar fazën përgatitore në Turqi.
Në 17 ndeshjet e sezonit aktual në elitën e futbollit të Rusisë, Daku ka shënuar nëntë gola dhe ka kontribuar me pesë asistime.
