Mirlind Daku e ka regjistruar golin e tetë këtë edicion në Premier Leaguen e Rusisë.
Daku shënoi gol të bukur në barazimin e Rubin Kazanit.
Rubini barazoi 2:2 si mysafir ndaj Akron Togliattit në ndeshjen që i takoi javës së nëntë.
Qendërsulmuesi i Kombëtares së Shqipërisë, Daku, në minutën e 54-t e ngushtoi rezultatin në 2:1. Ai shënoi nga distanca.
27-vjeçari Daku e kompletoi ndeshjen. Ndërsa Veldin Hoxha, u paraqit deri në minutën e 53-të dhe u zëvendësua me Dardan Shabanhaxhajn.
Daku ka edhe një gol të shënuar në Kupën e Rusisë. Krahas golave ka kontribuar edhe me një asistim.
Rubini ka 15 pikë dhe renditet në pozitën e pestë.
