Gjithashtu, Daka tha se në qoftë se këta 10 deputetë nuk e pranojnë mandatin, ai do kalojë tek 8 deputetë tjerë që kanë mbetur, e që janë nga partitë tjera garuese të pakicës serbe.
“Ligjërisht këta deputetë do të zëvendësohen nga deputetët e radhës të subjektit të njëjtë politik, e të cilët janë të certifikuar nga KQZ-ja. Kjo procedurë merr pak kohë, KQZ-ja ka 5 ditë pune që të bëjë rekomandimin, pastaj të njëjtit do të ftohen nga parlamenti që të japin betimin dhe të pranojnë mandatin… Në qoftë se këta 10 deputetë nuk e pranojnë mandatin, ai do kalojë tek 8 deputetë tjerë që kanë mbetur, e që janë nga partitë tjera garuese të pakicës serbe”, deklaroi Daka në emisionin “Ditari’.
Mirëpo, në qoftë se këta 10 deputetë zëvendësues nuk e pranojnë mandatin e deputetit, Daka tha se detyrimisht procedurat do përsëriten, pra siç tha ajo, nga Kuvendi në Presidencë e pastaj nga Presidenca në KQZ.
Ndërkaq, sa i përket procesit zgjedhor në Zubin Potok, Leposaviq, Zveçan dhe në Mitrovicën Veriore, Daka njoftoi se ato janë procedura standarde dhe ligjore të cilat po përcillen.
“Kjo diku në fillim të dhjetorit, eventualisht nga mesi i dhjetorit kishin me qenë ato data, të gjitha varen se kur do shpallen zgjedhjet”.
Mirëpo, sipas saj, funksionimi i procesit zgjedhor në këto katër komuna, mund të vështirësohet nga dorëheqja e sotme e 4 zyrtarëve të Komisionit Zgjedhor./Teve1.info/.
