Ballkani zbret sonte në fushë për sfidën e radhës në Ligën e Konferencës. Djemtë e Ilir Dajës do sfidojnë sërish Sivassporin, kundërshtar ndaj të cilit arritën suksesin e parë në historinë e klubit dhe të futbollit dardan në një duel grupesh në Europë.
Kampionët e Kosovës triumfuan me meritë 3-4 në tokën turke në një përballje drithëruese nëpërmjet një futbolli shumë të bukur dhe ofensiv. Sot do të guxojnë të arrijnë një tjetër fitore për të bërë krenarë tifozët e pranishëm në “Fadil Vokrri”, stadium ku janë shitur të gjithë biletat.
Ilir Daja nuk pritet të bëjë ndryshme në formacionin startues, derisa sipas raportimeve të shumëta pritet që Daja t’i besoj njëmbëdhjetshës që mposhtin Sivassporin në Sivas.
Formacioni i mundshëm i Ballkanit: Frashër; Dellova, Jashanica, Sinani; A. Thaqi, Emërllahu, Zyba, Potoku; Korenica, Krasniqi, Rrahmani.
Ballkani dhe Sivasspori do të ballafaqohen sot në kuadër të fazës së katërt grupore në Ligën e Konferencës, derisa zhvillohet nga ora 21:00 në stadiumin “Fadil Vokrri”. /Tëvë1/
