Ministri i Punëve të Jashtme të Serbisë, Ivica Daçiq, ka thënë se Kosova mund të hapë ambasadë në Hënë, por jo në Serbi.
Kështu tha Daçiq, duke nisur fushatën zgjedhore “si përgjigje ndaj raportimeve se Kosova mund të hapë misionin diplomatik në Beograd”, shkruan Tanjug.
Sipas tij, në Serbi gjithmonë para zgjedhjeve ka deklarata e akuza se Serbia do të sanksionojë Rusinë e se do ta njohë Kosovën.
Presidenti i Serbisë, Aleksandar Vuçiq, dhe kryetari i Parlamentit të Serbisë, Vladimir Orliq, njoftuan të mërkurën për shpalljen e zgjedhjeve të jashtëzakonshme parlamentare dhe zgjedhjet lokale në disa qytete dhe komuna, përfshirë në kryeqytetin serb, Beograd. Zgjedhjet do të mbahen më 17 dhjetor 2023 dhe në krahina./teve1.info/
