Albert Dabiqaj është zgjedhur ylli i javës së 14-të të Superligës së Kosovës në futboll.
Futbollisti i Dritës e fitoi këtë çmim me plot meritë pasi dje ishte sensacional në përmbysjen e rezultatit ndaj Llapit duke realizuar “hat-trick” në fitoren e gjilanasve me rezultat 3:1.
Falë golave të Dabiqajt, Drita u shkëput në tabelë me 5 pikë ndaj ndjekësit kryesor, Ballkani.
Pasi mori çmimin “Ylli i Javës” për herë të dytë në këtë edicion, Dabiqaj u shpreh i lumtur që u vlerësua si më i miri i javës.
“Kishim një ndeshje mjaft të vështirë, me Llapin u kthyem nga disavantazhi në 3:1. Të kthesh rezultatin nuk është aspak e lehtë. Personalish, si Dabiqaj, ky ishte het-triku i parë në karrierën time në Superligë dhe ky është një moment i jashtëzakonshëm. Jam i lumtur me ecurinë e skuadrës dhe duhet të vazhdojmë kështu. Në xhiron e ardhshme shkojmë tek kampioni në fuqi, FC Ballkani, që është një skuadër e jashtëzakonshme dhe ka një ecuri si vendas të pamposhtur, por ne do të shkojmë ta luajmë lojën tonë. Falënderoj bashkëlojtarët, stafin e trajnerëve, sepse pa ta nuk do të kaloja në këtë formë”, tha ai për faqen zyrtare të FFK-së.
