Prishtina ka “korr”sukeses në tri xhirot e fundit të zhvilluar në Superligë, derisa ka marrë pikët maksimalë në secilën sfidë.
Ndihmës-trajneri te Prishtina, Debatik Curri në emisionin qëndror sportiv “Var” në Tëvë1, u shpreh se janë të kënaqur në pozitën në të cilën ndodhën, dhe nëse arrijnë ta përfundojnë sezonin aty do të ishte një sukses.
“I duhet kohë trajnerit. Kreshnik Uka është njëri nga lojtarët me të mirë në Superligë. Sezoni e kaluar ka bërë 20 gola, edhe më herët ka qenë te Prishtina, dhe sot është njëri nga lojtarët kyq brenda skuadrës.
Sa i përket transfere, duhet të përforcohemi pasi do të shqyrtojmë të përforcohemi në pozita ku kemi mungesa. Ne si skuadër nuk kemi mundur të marrim lojtarë të kalibrit të lartë, por kemi shkuar në pjesën ku kemi njohur me shumë futbollistë.
Jam i kënaqur me pozitën në të cilën ndodhemi, nëse ne arrijmë ta mbyllim sezonin në këtë pozitë atëherë do të ishte sukses për ne”, tha Curri për emisionin “Var”.
Prishtina ka 12 nga 13 xhiro të zhvilluara, dhe ndodhet në pozitën e tretë me 21 pikë të grumbulluara. /Tëvë1/
