Deputeti i LDK-së, Anton Çuni ka deklaruar pas dështimit të 22-të të seancës konstitutive se të gjithë deputetët e LDK-së kontaktohen në forma të ndryshme nga zyrtarët dhe ndërmjetësuesit e LVV-së për zgjidhjen e krye parlamentares së Kuvendit.
Por, sipas Çunit dy deputetët e LDK-së fokusohen më së shumti nga autoritetet e LVV-së për sigurimin e votës së Haxhiut.
“Mund të them se kontaktohen të gjithë deputetët në forma të ndryshme, kontaktohem edhe unë, kur kontakotohemi natyrisht që bëjmë pyetje a kanë autorizime dhe nga kush marrin detyra, kontaktohemi nga zyrtarët e LVV-së, nga ndërmjetësuesit e tyre, por është fakt se dy deputetët e LDK-së janë në një fokus të veçantë të interesimit të autoriteteve të LVV-së. I kemi njohurit, informatat dhe përmbajtjet e bisedave”, ka deklaruar Çuni pas dështimit të seancës./teve1.info/
