Cristiano Ronaldo ka arritur marrëveshje me Al Nassr për vazhdimin e kontratës.
“Marrëveshja pothuajse është arritur”, ka njoftuar eksperti i transferimeve, Fabrizio Romano të mërkurën.
Sipas Romanos, i vetmi detaj që mbetet për t’u zgjidhur është kohëzgjatja e kontratës. Sipas tij, marrëveshja për një vit është e garantuar, por drejtuesit e klubit sauditë po përpiqen që ta bindin atë të nënshkruaj kontratë der inë vitin 2027.
Qëndrimi i Ronaldos në Al Nassr, është i rëndësishëm edhe për ligën saudite. Ronaldo ishte ylli i parë i madh i futbollit që pranoi të transferohet në Riad. Ai iu bashkua Al Nassrit në dhjetor të vitit 2022. Por aventura e tij në Al Nassr, nuk ka qenë një sukses i plotë.
Pavarësisht golave të shënuar, 99 në 111 ndeshje, ai ende nuk ka arritur të fitojë ndonjë trofe të madh dhe kjo ka çuar në spekulimet për një largim të mundshëm. Megjithatë, tani duket se kjo nuk do të ndodhë. Ai do të mbetet edhe më gjatë pjesë e Al Nassr.
