Presidentja Vjosa Osmani ka thënë se është koha që të largohen masat ndaj Kosovës që janë vendosur nga Bashkimi Evropian që nga viti 2023.
Për këtë ka folur edhe presidenti i Këshillit Evropian, António Costa, ka theksuar rëndësinë e deeskalimit të tensioneve në rajonin e Ballkanit Perëndimor.
“Këto masa janë të lidhura me nevojën për të de-përshkallëzuar tensionet në rajon dhe në veri të vendit. Dhe ajo që dëshiroj është që sa më shpejt të kemi këtë de-përshkallëzim, e më pas të mund të ecim përpara dhe t’i heqim këto masa. Shpresoj që ngjarjet e fundit të mos përfaqësojnë një prirje të re, por të jenë përjashtim që konfirmon rregullin se ju jeni plotësisht të angazhuar në këtë rrugë evropiane për të de-përshkallëzuar dhe, siç tha Zonja Presidente dje, për t’u angazhuar në këtë dialog mes Beogradit dhe Prishtinës”.
Ai tha se vendi i Kosovës është në BE, por se kjo kërkon përmbushjen e angazhimeve të Kosovës.
“Së fundmi kemi emëruar një përfaqësues të ri për të lehtësuar këtë dialog, dhe ky dialog është një element thelbësor në këtë rrugëtim të përbashkët evropian për të ndërtuar një të ardhme të përbashkët në Bashkimin Evropian”.
