Kapiteni i Kombëtares së Kosovës, Amir Rrahmani është njëri prej lojtarëve të paktë që trajneri Antonio Conte llogarit në shërbimet e tij për sezonin e ri.
Bëhet e ditur se Conte vlerëson lart Rrahmanin, i cili së bashku me Stanislav Lobotkan e Frank Anguissan kanë të garantuar vendin në formacionin bazë.
Conte, pritet së shpejti të emërohet trajner i Napolit pasi parimisht ka arritur marrëveshje me ish-kampionin e Italisë. Rrahmani në sezonin e fundit, regjistroi 39 paraqitje për Napolin në të gjitha garat, ndërsa kontribuoi edhe me 4 gola të shënuar.
“Rrahmani mbetet njëri prej lojtarëve të rëndësishëm te Napoli edhe për sezonin e ri pasi mund të në qendër të mbrojtjes apo në krah. Ai është mbrojtësi i vetëm që bën pjesë në projektin e ri të klubit”, ka shkruar “Gazzetta dello Sport”.
30-vjeçari prej vitit 2020 është pjesë e Napolit, ekip me të cilin ka fituar titullin e kampionit të Italisë, ndërsa ka kontratë deri në vitin 2027.
