Çmimi i arit u rrit me 0.22% të martën, duke arritur një nivel historik prej 3,755 dollarësh që nga ora 07:30 GMT e së martës.
Ari ka luhatur midis 2,536.91 dhe 3,755 dollarëve në 12 muajt e fundit, duke fituar 42.8%.
Pritjet e tregut për më shumë ulje të normave të interesit nga Rezerva Federale kanë pasur efekte të forta në çmimet e mallrave, veçanërisht të arit.
Pas këmbënguljes së Presidentit të SHBA-së, Donald Trump, Rezerva Federale uli normën e saj të interesit me 25 pikë bazë javën e kaluar.
Për takimet e Rezervës Federale në tetor dhe dhjetor, tregjet presin ulje të reja të normave të interesit, shkruan Anadolu.
Shifrat e dobëta të inflacionit dhe të dhënat në rritje të papunësisë, si dhe Trump, e kanë shtyrë Rezervën Federale të ulë normat e interesit.
