Nën masa sigurie u sollën në Gjykatën Themelore në Gjakovë.
Katër serbët e prezantuar si pelegrinë, u paraqitën për herë të parë në gjykatë.
Dy prej tyre, e konfirmuan se punojnë në institucione të sigurisë të Serbisë.
Pavle Kragoviq tregoi se punon si inspektor i Policisë serbe në Kragujevc, kurse Milovan Steviq si doktor në akademikë ushtarake të mjekësisë në Beograd.
Mirëpo, për këto mjete për të cilat prokuroria thote se ishin të paautorizuara, shumica nga të dyshuarit u deklaruan se nuk kishin dijeni për to.
Drejtuesi i njërës prej veturave, Branko Rakiq u arsyetua se ato ishin vetëm mjete pune.
“Unë kam thënë edhe në polici se ato janë mjete pune, personale. Kam mendu se janë legale”.
“Ai automjet nuk është pronë e imja. Nuk e kam vozitur dhe as që kam ditur se në bagazh gjinden keto mjete”, tha i dyshuari Nemanja Vamoviq.
“Në asnjë moment nuk kam ditur që në veturë gjenden këto mjete”, tha i dyshuari tjetër Pavle Krogoviq.
“Këto mjete as në fotografi nuk i kam parë. Siç ka thënë edhe mbrojtësi im, unë jam gati çdo vit në kohën e njëjtë. Do jem në dashtë zoti edhe vitin tjetër, sepse jam ortodoks”, tha Milovan Steviq.
Prokuroria ka kërkuar që të gjithë të dyshuarve t’u caktohet masa e paraburgimit prej 30 ditësh, kërkesë e kundërshtoi mbrojtja.
Sipas avokatit Nemanje Vamoviq, armët e ftohta të cilave iu referohet prokuroria, nuk I plotësojnë kushtet për të qenë të tilla.
“Edhe ajo kamerë mund të përdoret si mjet nëse unë e marrë dhe e godas dikë, atëherë mund të jetë edhe ajo armë e ftohtë. Nuk ekziston asnjë përshkrim që cilido qoftë nga këta katër persona I ka prekur këta mjete ose t’I ketë përdorur”, tha avokati Vamoviq.
Nga mbrojtja e Vamoviq u ofrua një dorëzani prej 5 mijë euro, në mënyrë që ai të mbrohet në liri, kurse nga Staviq 2 mijë euro.
Ndryshe nga këta serbë që u arrestuan në Gjakovë, që të gjithë 12 të tjerët të arrestuar në rrethana të ngjashme në Prizren, janë liruar në procedurë të rregullt.
