Më 1 maj, u propozua për herë të parë nga kryesuesi i seancës konstituive, votimi i fshehtë për kryeparlamentar.
Ky propozim, nuk u mirëprit nga partitë opozitare. Ku sot e asaj dite, Kuvendi ka ngecur në votimin e komisionit për këtë mënyrë të votimit.
Ndryshimin e votimit, nga mënyra e hapur në mënyrë të fshehtë, partitë opozitare, PDK, LDK e AAK, më 12 maj e dërguan për shyqrtim në Gjykatën Kushtetuese.
Kandidatja për kryeparlamentare, thotë se ky institucion është vonuar me nxjerrjen e një aktgjykimi, i cili do t’i hapte rrugë Kuvendit për procedim tutje.
“Gjykata Kushtetues është vonuar, duhet ta themi hapur, sepse nuk ka kuptim që një gjë kaq e thjeshtë, sepse AAK- bashkë me LDK-në dhe PDK e kanë kontestuar komisionin për votimin e fshehtë. Ose gjykata e bënë të pranueshme këtë lëndë dhe e trajton nëse kryesuesi ka pasur të drejtë për komisionin për votimin e fshehtë, ne besojmë fuqishëm që ka pasur të drejtë, sepse aktgjykimi i Gjyktës Kushtetuese i viti 2019 jep mundësi të ndryshme të votimit. dhe letra e presidentes thotë që deputetë duhet të gjejnë mënyra për të konstituar kuvendin. Ose ta shpall të papranueshëm. Gjykata Kushtuese duhet t’i bëjë këto, duke pasur parasysh praktikat se duke mos pasur një objekt Gjykata mund të shpall të papranueshme këtë lënde sepse duhet të kishte një vendim të Kuvendit, presim vendimin por nuk është ne rregull që është vonuar kaq shumë”, ka thënë Albulena Haxhiu.
Një deklarim i tillë po vlerësohet se nuk qëndron.
Sipas Melos Kolshit nga IKD, Gjykata Kushtetuese është brenda afatit ligjor për trajtimin e një çështje.
“Në asnjë mënyrë nuk duhet që të ndërhyet dhe që të komentohet puna e Gjykatës Kushtetuese, për arsye se ligji për Gjykatën Kushtetuese i përcakton qartë afatet se sa ka kohë Gjykata Kushtetuese që të marrë vendim në lidhje me një kërkesë të parashtruar nga palët e autorizuara që rregullohet me nenin 113. E neni 43 i ligjit për Gjykatën Kushtetuese përcakton që Kushtetuesja ka të drejtë që ta trajtojë lëndën ose kërkesën në afat prej 60 ditëve” , ka thënë Kolishi.
E nga Kushtetuesja, thonë se janë duke e trajtuar me prioritet.
“Kjo kërkesë është duke u shqyrtuar me prioritet nga Gjykata. Vendimi do të merret pasi që Gjykata të shqyrtojë të gjitha aspektet kushtetuese të çështjes së parashtruar në kërkesë dhe për vendimmarrjen e saj do të njoftohen me kohë të gjitha palët e interesit dhe opinioni”, ka përfunduar ai.
Më 12 korrik, bëhen 60 ditë, që kur është dërguar në këtë institucion lënda për votimin e fshehtë.
