Para ulësëve të tyre, u vendos një letër e rëndësishme.
Gjykata Kushtetuese, përmes një shkrese iu është drejtuar të zgjedhurve të popullit.
Arsyeja është mundësimi i dërgimit të komenteve për vlefshmërinë e kushtetueshmërisë së vendimit për mosvotimin e Komisionit për votim të fshehtë, që për të disatën herë po tentohet të aplikohet për votimin e kryekuvendares.
“Deputetët e Kuvendit mund t’i parashtrojnë komentet e tyre me shkrim, nëse kanë lidhur me kërkesën e lartcekur, jo më vonë se më 19 maj 2025”, thuhet nw letwr.
Nga Lëvizja Vetëvendosje, nuk kanë treguar nëse do ta shfrytëzojnë mundësinë për të dërguar komente.
E ky hap nga Kushtetuesja, shihet si praktikë procedurale, ndërkohë që vihet në dyshim trajtimi i kësaj çështje nga ky organ.
“Në rastin konkret nuk kemi një vendim të miratuar siç kërkon Kushtetuta e Republikës së Kosovës, në raport me palët e autorizuara të cilat mund të ngrisin çështje pranë Gjykatës Kushtetuese. Për këtë arsye, nisur nga ky fakt se ky vendim nuk është një vendim i miratuar, atëherë mund të themi se sipas Kushtetutës kjo çështje duhet të shpallet e papranueshme për t’u trajtuar nga ana e Gjykatës Kushtetuese”, vlerëson Gëzim Shala.
Kjo kërkesë për vlerësimin e kushtetutshmërisë ditë më parë është dërguar nga deputetët e Aleancës për Ardhmërinë e Kosovës.
