Ish- ambasadori, Sylë Ukshini ka deklaruar se takimi i cili do të mbahet të shtunën mes Kurtit dhe partive opozitare është për ta tejkaluar këtë ngërç politik.
Sipas Hotit, nëse partia fituese nuk i ka votat për ta zgjedhë Kuvendin e Kosovës, duhet të gjejë një marrëveshje ose një koalicion me një parti të caktuar.
Ish-ambasadori theksoi se kryetari i Kuvendit në detyrë, Glauk Konjufca mban pozitën e vet deri në momentin e zgjidhjes së kryetarit të ri.
Më tej, ai tha se nëse brenda afatit 30 ditë nuk konstituohet Kuvendi, duhet të mblidhet kryesia e vjetër të marrë një vendim për zhbërjen dhe caktimin e datës së re për zgjedhje.
“Nëse ky takim është thirr vërtetë për me e tejkaluar, unë mendoj që duhet të ketë nga partia që propozon kryetaren për Kuvend, duhet të ketë një ofertë. Fakti që një parti nuk i ka votat për ta zgjedhë, natyrisht që kjo nënkupton që duhet të gjejnë një marrëveshje ose një koalicion me një parti të caktuar. Gjitha partitë politike kanë një lloj barrën ë të kaluarën për gjuhën dhe për gabimet që i kanë bërë politike të cilat janë grumbulluar. Nëse zgjatë kjo situatë e humb vlefshmërinë dhe imazhin, besueshmërinë e njerëzve të institucioneve. Partitë politike nëse marrin një qëndrim për të mos votuar, nëse del një deputet dhe voton është një thyerje e etikës partiake për këtë arsye them se duhet të ketë një qëndrim të forumeve, kryetarëve të partive dhe liderëve. Kryetari i Kuvendit, Glauk Konjufca mban pozitën e vet deri në momentin e zgjidhjes së kryetarit të ri, kryesia e punës mbetet dhe vazhdon. Nëse brenda 30 ditëve nuk ka një zgjidhje atëherë unë mendoj që duhet të mblidhet kryesia e vjetër të marrë një vendim për zhbërje dhe për një caktim i datës së re për zgjedhje”, ka deklaruar ai në emisionin “Ditari” në tëvë1./teve1.info/
