Kanë kaluar më shumë se një javë që kur janë kërkuar kushte të reja për ecurinë e dialogut Kosovë – Serbi.
Më 26 qershor, kryeministri i Kosovës i paraqiti tri kërkesa në drejtim të përfaqësuesve të Bashkimit Evropian.
Mirëpo nga BE-ja ende nuk ka ndonjë informatë nëse po negociojnë me Kurtin për këto kushte.
Në një përgjigje për Tëvë1, zyrtarët e BE-së nuk tregojnë për përmbajtjen e bisedimeve.
“BE-ja nuk do të komentojë përmbajtjen e diskutimeve në vazhdim”, ka thwnw zwdhwnsi Peter Stano.
Gjatë të martës, pa përgjigje ka qenë Qeveria e Kosovës.
Ata nuk janë përgjigjur në pyetjet e televizionit nëse Bashkimi Evropian ka kërkuar tërheqjen e kushteve.
E analisti politik, Visar Xani thotë se kjo gjendje e dialogut lidhet me zgjedhjet në Kosovë dhe në Amerikë.
Nga ana tjetër, kryeministri i Serbisë, Milosh Vucevic ka thënë se nuk ka gjasa të lëvizë diçka në dialogun në mes dy vendeve derisa të jetë Albin Kurti kryeministër.
