Ish- ambasadorja e Kosovës në SHBA poashtu ka thënë se Bashkimi Evropian duhet ta penalizojë Serbinë për mosvënie të sanksioneve ndaj Rusisë.
“Vuçiqi mundohet shpeshherë dhe këtë ua thotë kur bisedon me liderë të Bashkimit Evropian e të SHBA-ve. Mundohet ta jap një rrëfim se gjoja nuk e ka në kontroll të plotë Dodikun, se gjoja ai menaxhohet nga Rusia sesa nga Serbia. Por unë nuk pajtohem me këtë rrëfim. Mjafton të shihen veprimet që ndërmerren në Beograd dhe aty e nënkupton që në fakt janë në të njëjtën vijë. Serbia ka për detyrë që të përafroj qëndrimet e saj me BE-në. Një gjë të tillë nuk e ka bërë. Komisioneri i lartë i Bashkimit Evropian, zotëri Borrel ka deklaruar që do të ketë pasoja për vendet që janë kandidate (për anëtarësim në BE) dhe që nuk kanë përafruar dhe nuk kanë vendosur sanksione për Rusinë. Tash mbetet të shihet sepse është edhe vet kredibiliteti i Bashkimit Evropian në pyetje”, është shprehur Çitaku.
