Sekretarja e Partisë Demokratike të Kosovës, Vlora Çitaku, ka thënë se Kosova ka fituar beteja edhe më të mëdha se hapja e urës së Ibrit kur ka qenë në koordinim me aleatët.
Ajo duke përmendur çlirimin e Kosovës, shpalljen e pavarësisë dhe legjitimitetin e saj nga Gjykata Ndërkombëtare e Drejtësisë, që siç ka thënë ajo, u bënë me ndihëm e aleatëve, edhe hapja e urës është shprehur se do të mund të arrihej shpejtë nëse Kurti koordinohet me aleatët.
“Kosova në koordinim me aleatët ka korrur suksese shumë më të mëdha, sesa hapja e një ure, e cila është e hapur për qytetarët, qarkullimi është i mbyllur vetëm për automjete. Kjo është një betejë shumë e vogël, simbolike të cilën jam e bindur që nëse kryeministri tregohet i matur dhe koordinohet me aleatët mund të arrihet shpejtë”, ka thënë Çitaku në një konferencë për media të martën, raporton teve1.info
Kryeministri i Kosovës, Albin Kurti të hënën ka thënë se janë duke i dëgjuar më vëmendje sugjerimet e aleatëve. Për hapjen e saj i ka thënë se nuk do t’i befasojnë ata, por që hapja e urës nuk mund të zvarritet pafundësisht. `
