Nënkryetarja e Partisë Demokratike të Kosovës, Vlora Çitaku, ka reaguar pas deklaratës së ministrit të Brendshëm, Xhelal Sveçla, i cili protestën e veteranëve e quajti luftë hibride, raporton teve1.info
Çitaku deklaratën e Sveçlës e ka quajtur skandaloze, derisa gjuhën dhe sjelljen e tij e ka cilësuar si turp dhe mjerim.
Çitaku e ka akuzuar ministrin Sveçla se po i sulmon mediat dhe po e cenon fjalën e lirë.
“Skandaloze deklarata e Ministrit Xhelal Zvecla.
Ministër, je aty me e mbrojt rendin, ligjin, Kushtetutën. Jo me i sulmu mediat. Jo me e cënu fjalën e lirë.
Po sillesh si Komisar.
E për gjuhën kundër veteranëve, s’po flas. Turp dhe mjerim”, ka shkruar Çitaku.
Ministri i Punëve të Brendshme, Xhella Sveçla, pak minuta më parë shkroi përmes një postimi në Facebook se protesta e thirrur nga Organizata e Veteranëve të Luftës së UÇK-së, është organizuar në ditën dhe kohën e njëjtë me atë në Beograd kundër Vuçiqit.
Sveçla përmendi edhe disa gazetarë në Kosovë të cilët sipas tij e kanë thirrë këtë protestë.
