Nënkryetarja e Partisë Demokratike të Kosovës, Vlora Çitaku e ka quajtur turp dhe marrëzi “refuzimin” e kryeministrit Albin Kurti për t’u takuar me homologun e tij nga Shqipëria, Edi Rama.
Sipas Çitakut, Kurti po e takon presidentin serb Aleksandar Vuçiq pa kushte, teksa “Ramës i vendos kushte”, përcjell teve1.info
“Si është e mundur që Kryeministri Kurti refuzon takimin me Kryeministrin e Shqipërisë?!!Si është e mundur?! Kjo është marrëzi. Turp. Vuçiçin e takon pa kushte, e Ramës i vendosë kushte. Kryeministër, Kosova nuk është lodër. Qeverisja nuk është lojë fëmijësh. Lëri inatet, mllefet e hatërmbetjet personale”, ka shkruar ajo në Facebook.
Kryeministri Rama do të vijë nesër për vizitë në Kosovë. Me këtë rast, kryeministri Kurti bëri të ditur sot se i ka kërkuar miqësisht që gjatë kësaj vizite të mbahet edhe mbledhja e dy Qeverive.
Teksa është bërë e ditur se kjo vizitë do jetë për të diskutuar lidhur me Procesin e Berlinit që do mbahet në tetor në Tiranë, Kurti tha se teksa përgatitjet po bëhen kaq herët, të “mos vonohemi” edhe me një mbledhje të dy Qeverive.
“Unë e konsideroj të arsyeshme një mbledhje të përbashkët të dy Qeverive, por jo takime të tjera”, ka thënë Kurti. /Teve1.info/
