Nënkryetarja e PDK-së, Vlora Çitaku, ka thënë se Serbia vazhdon të jetë e njëjta si para një shekulli.
Sipas saj, deklaruar e “Kuvendi gjithëserb”, ku thuhet se “Kosova është pjesë e patjetërsueshme e Serbisë”, është dëshmi për këtë.
Por, Çitaku ka thënë se Kosova nuk duhet të bie në grackën e Serbisë, duke shtuar se ardhmja e Kosovës është në duart tona bashkë me aleatët.
“Serbia nuk ka ndryshuar asnjëherë. E tillë ka qenë para një shekulli, e tillë vazhdon sot. E njëjta mendësi! “Kuvendi gjithëserb” është vetëm një nga format e manifestimit të asaj mendësie, e cila vazhdon të jetë dominuese në Beograd. E detyra jonë si lidership në Kosovë është të mos biem në grackat e kësaj balte, që me shumicë prodhohet në Serbi. Rruga e Kosovës drejt NATO dhe BE kalon nga Ëashingtoni dhe Brukseli. E nëse fqinjët tanë veriorë dëshirojnë të vazhdojnë të jetojnë duke u munduar t’i rikrijojnë betejat e humbura, keqardhje për ta. Të ardhmen e Kosovës e kemi në dorë ne. Bashkë me aleatët”, ka shkruar ajo të dielën në Facebook.
Qeveria e Serbisë dhe ajo e Republikës Sërpska, më 8 qershor e kanë nënshkruar Deklaratën për mbrojtje të të drejtave kombëtare dhe politike dhe për të ardhmen e përbashkët të popullit serb.
