Deputetja e PDK-së, Vlora Çitaku tha se për shkak të moskonstituimit të Kuvendit, Kosova është bllokuar.
Madje ajo tha se ekonomia është në krizë e sipas saj, është momenti të mendohet për qytetarin më shumë se për vetveten.
Ajo tha se seanca e radhës e cila u caktua për nesër u kurdis për të akomoduar sipas saj, nevojat e deputetëve.
“Sot dështuam sërish të konstituojmë institucionet, vendi është në krizë, ekonomia është në krizë. Është momenti të mendojmë për qytetarin më shumë se për vetveten. Sot pati përpjekje dhe fatkeqësisht u kurdis seanca për të akomoduar nevojat e deputetëve e nuk po arrin të bëjnë marrëveshje për të mirën e qytetarëve”, tha Çitaku pas dështimit të 26-të për konstituimin e Kuvendit.
