Nënkryetarja e Partisë Demokratike të Kosovës ka reaguar pas deklaratave të zëvendëskryeministrit Besnik Bislimi, i cili tha se zgjedhjet në veri nuk duhet të shpallen pa u hequr sanksionet ndaj Kosovës.
Çitaku këtë deklaratë e ka cilësuar si qesharake, teksa ka thënë se nuk do ti lejojnë që ta rrezikojnë sipas saj, të ardhmen e vendit.
“Pra, Qeveria e Kosovës përmes ZVKM Bislimi i paska vënë kushte Bashkimit Evropian dhe Amerikës. Bravo. Sinqerisht, në cilin cilin planet jetoni? Çfarë motive keni? A keni ambicije për Republikën e Kosovës? A doni ta kemi Kosovën anëtare të BE? Jeni për keqardhje. Qe besa edhe qesharak, sikur mos të mbanit petkun zyrtar mbi supe. Kush po mendoni që jeni? A po mendoni që e doni Kosovën më shumë se ne?! Nuk do t’ju lejojmë që ta rrezikoni të ardhen e vendit tonë”, ka shkruar ajo.
Tutje Çitaku ka rekomanduar pushtetin aktual që ti marrin seriozisht rekomandimet e disa prej zyrtarëve të lartë të SHBA-së, të cilët në fundjavë do të qëndrojnë në Kosovë.
“Qeverisja nuk është lojë fëmijësh, e as kupon për të kompenzuar deficiet tuaja historike”, tha ajo.
Ndryshe, zv.kryeministri Besnik Bislimi tha se është në pritje të njoftimit të BE-së për heqjen e sanksioneve, pas pajtueshmërisë së arritur mes Kosovës dhe BE-së në Bratisllavë, dhe tërheqjes së 25% të forcave policore nga ndërtesat komunale në 4 komunat veriore./teve1.info./
Bislimi: Kosova nuk duhet të shpallë zgjedhje në veri pa u hequr sanksionet nga BE-ja