Për sulmin ndaj saj ka reaguar nënkryetarja e PDK-së, Vlora Çitaku e cila është shprehur e shqetësuar nga dhuna e ushtruar ndaj profesoreshës.
Çitaku thotë se fatkeqësisht, gratë vazhdojnë të jenë cak i lehtë për t’u sulmuar.
“E shqetësuar nga dhuna e ushtruar ndaj profesoreshës Hatixhe Latifit – Popovci. Fatkeqësisht, gratë vazhdojnë të jenë cak i lehtë për tu sulmuar, si në punë, si në shtëpi”, ka shkruar ajo në një postim në Facebook.
Sipas saj, organet e rendit duhet të veprojnë shpejtë, dhe sulmuesi të dënohet pa vonesa.
Për këtë sulm fizik ka reaguar edhe vet profesoresha Hatixhe Latifi – Pupovci, e cila ka thënë se ka qenë një sulm krejtësisht i pa pritur dhe i shkaktuar nga motive të pa kuptueshme.
“Ka qenë një sulm krejtësisht i pa pritur dhe i pa provokuar, i shkaktuar nga motive të pa kuptueshme për mua. Studenti i pakënaqur me notën e provimit ka mënyra të tjera akademike për të kërkuar drejtësinë, ndërsa ndërhyrja e prindit është krejtësisht e pa pranueshme”, ka thënë Latifi-Pupovci. /teve1.info/
