Deputetja e PDK-së, Vlora Çitaku, ka reaguar sërish lidhur me situatën politike dhe moskonstituimin e Kuvendit të Kosovës.
Çitaku ka bërë të ditur se edhe sot së bashku me asamblistë dhe aktivistë nga Komuna e Mitrovicës, është para Qeverisë, duke kërkuar rikthimin e rendit kushtetues dhe konstituimin e Kuvendit.
“Stop uzurpimit të institucioneve. Rikthim në rendin kushtetues. Konstituim të Kuvendit”, ka shkruar Çitaku.
Ajo ka theksuar se qytetarët presin punë dhe mbështetje, ndërsa shteti ka nevojë për zhvillim dhe përparim.
“Nuk do të zmbrapsemi. Nuk do të ndalemi. Deri në fitoren e shtetit dhe të qytetarëve!”, ka deklaruar deputetja e PDK-së.
