Sekretarja e PDK-së, Vlora Çitaku, ka komentuar takimin konsultativ të thirrur nga ushtruesja e detyrës së presidentes, Albulena Haxhiu, për çështjen e zgjedhjes së presidentit.
Çitaku ka kritikuar partinë në pushtet, duke e akuzuar për “papërgjegjshmëri” dhe për mbajtjen peng të institucioneve të vendit.
“Fotografia e një partie politike të papërgjegjshme, nën dirigjimin e një individi, që i ka kapur institucionet, po e mban shtetin peng dhe po e përdor pushtetin për interesa politike, në dëm të drejtpërdrejtë të qytetarëve të Kosovës”, ka shkruar Çitaku.
Ajo ka thënë se vendi i deputetëve është në Kuvend, ku, sipas saj, duhet të materializohet vullneti i qytetarëve dhe të konstituohet institucioni.
“Ju presim sot, në orën 11:00, në Kuvend!”, ka përfunduar Çitaku./teve1.info/
