Nënkryetarja e PDK-së, Vlora Çitaku i ka reaguar ministres së Arsimit, Arbërie Nagavci, për deklaratën lidhur me çerdhet.
Çitaku në një postim në Facebook ka thënë se deklarata e Nagavcit është e “pasaktë, mashtrim dhe përpjekje delitanteske për manipulim”.
Tutje, ajo ka deklaruar se propaganda dhe mashtrimi është fusha e vetme ku kjo qeveri merr notë kaluese.
’Nëse i referohemi situatës me ndërtimin e çerdheve të reja, nëse e shohim në përqindje, çerdhet e reja gjatë periudhës trevjeçare të qeverisjes janë për 850 për qind më shumë sesa që janë realizuar gjatë periudhës 2003-2020’
Me 4 çerdhe të ndërtuara gjatë mandatit të qeverisë Kurti, edhe një 3 vjeçar me njohuri bazike të matematikës do ta dinte që deklarata e ministrës Nagavci është e pasaktë. Është mashtrim. Është përpjekje delitanteske për manipulim. Në fakt, propaganda dhe mashtrimi është fusha e vetme ku kjo qeveri merr notë kaluese”, ka deklaruar Çitaku./teve1.info
