Deputetja e Partisë Demokratike të Kosovës, Vlora Çitaku, ka reaguar ndaj deklaratave të kryeministrit Albin Kurti lidhur me ngërçin politik për zgjedhjen e presidentit.
Pas adresimit të Kurtit drejtuar qytetarëve, Çitaku ka kundërshtuar qasjen e tij, duke theksuar se vendi nuk i përket një individi të vetëm.
Ajo i bëri thirrje Kurtit të marrë përgjegjësi për situatën politike dhe të fokusohet në qeverisje efektive, në vend të siç u shpreh, ankesave dhe përplasjeve politike.
Çitaku shtoi se zgjidhja për krizën aktuale duhet të vijë përmes bashkëpunimit institucional, duke theksuar se në të kundërtën, qytetarët do të japin verdiktin e tyre në zgjedhjet e ardhshme.
Ajo përfundoi duke theksuar se drejtimi i ardhshëm politik i vendit do të përcaktohet nga vota e qytetarëve.
“Kryeministër, qetësohu. Përkundër kapjes së institucioneve, Kosova fatmirësisht nuk është vetëm e jotja. Si do t’ia shpjegosh popullit që t’i dhanë 51% të votave se nuk dëshiron e nuk din të qeverisësh? Këtë e di ti, mirëpo çfarë di unë është se ti do ta marrësh përgjigjen e merituar nga ta. Prandaj, lutja ime është krejt e sinqertë: Ose qeveris, bashkëpuno e jepi drejtim Kosovës, ose lësho rrugë e lëri më ankesat, krizat e lojërat fëmijërore në kurriz të qytetarëve”, ka shkruar ajo.
