Gazetari, Aleksandër Çipa nga Shqipëria ka deklaruar se votat e diasporë që i përkasin Greqisë, ende kanë një ngërç juridik, pas ankesës që e ka bërë opozita.
Gazetari thotë se ka qenë e pritshme rezultati i diferencës midis fituesit, por sipas tij nuk ka qenë kurrsesi i pritshëm rezultati me diferencë të thellë.
“Votat e diasporës që i përkasin Greqisë ende kanë një ngërç juridik, pas ankesës që e ka bërë opozita e kryesuar nga Berisha i Partisë Demokratike, ende nuk është vënë në lëvizje numërimi i tyre, por gjithsesi ajo çka thashë fituesi dhe humbësi janë përcaktuar për shkak se diferenca midis tyre është e konsiderueshme. Ka qenë i pritshëm rezultati i diferencës midis fituesit dhe humbësit , por nuk ka qenë kurrsesi i pritshëm rezultati në kaq diferencë të thellë, në favor të Partisë Demokratike të kryeministrit Rama”, ka deklaruar Çipa në emisionin “Ditari” në tëvë1.
Ndryshe, Edi Rama është duke prirë i pari për fitues të zgjedhjeve e për këtë ai ka pranuar urimet nga liderët e ndryshëm të botës.
Por, kryeministri në detyrë i Kosovës, Albin Kurti nuk ka reaguar ende për fitoren e tij.
E sipas gazetarit të Shqipërisë, vonesa e një vonimi të tillë qoftë edhe kartezian do të ishte një gabim politik e aq më tepër midis siç tha ai vëllait ndaj vëllait.
“Në pikëpamjen protokollare, përderisa nuk është certifikuar ende rezultati përfundimtar edhe Kurti por edhe shtetet e përfaqësuesit e tjerë janë në korrektesën kohore të tyre, nëse do të kishte dalë ky rezultat do të certifikohej zyrtarisht, vonesa e një urimi të tillë qoftë edhe kartezian do të ishte një gabim politik aq më tepër midis një vëllai ndaj një vëllai tjetër në kushtet e të qenurit dy shtete të të njëjtit komb”, tha ai ndër të tjera./teve1.info/
