Janë pjesë të veturave të aksidentuara.
Një person ndërroi jetë dhe disa të tjerë u lënduan pas aksidentit zingjiror mes gjashtë veturave në Komoran, pasditen e së hënës.
Në vendin e ngjarjes kishin dalë njësite policore, ku pas hetimeve të tyre është arrestuar një person.
“Si pasojë e lëndimeve të marra në aksident një femër kosovare ka ndërruar jetë, si dhe si dhe lëndime trupore kanë pësuar 8 persona. Të lënduarit janë dërguar në tretman mjekësor në QKUK. Pas hetimeve të rastit, një person i dyshuar për shkaktim të aksidentit është arrestuar dhe dërguar në mbajtje”, ka thënë Hoxha.
Si pasojë e aksidentit, në këtë rrugë u krijuan kolona kilometërshe për orë të tëra.
Si faktor kryesor i aksidenteve në vend, e sidomos i atyre zingjirore, vlerësohet të jetë shpejtësia.
“Mospërshtatja e shpejtësisë së lëvizjes apo mosrespektimi i kufizimit të shpejtësisë, është e pajustifikueshme të ngiset me një shpejtësi dyfish e pastaj të kërkohet arsye se kush ka qenë fajtori apo se çfarë ka ndodhur në atë zonë rrugore”, ka thënë Ahmeti.
Brenda 24 orëve të fundit, janë raportuar në Policinë e Kosovës 114 aksidente trafiku, ku prej tyre 35 ishin me të lënduar, kurse 79 me dëme materiale.
