Eksperti i Politikave të Sigurisë dhe Gjeopolitikës, Ilir Kulla, ka thënë se një nga gabimet më të mëdha të ish-diktatorit, Enver Hoxha ishte prishja ekonomikisht e marrëdhënieve me Kinën në fund të viteve 70-ta.
Në emisionin “MATRIX” me Mehmet Kalisin në Tëvë1, Kulla tha se nëse nuk do të ishte ky vendim, atëherë Shqipëria në fund të tranzicionit nuk do të ishte kaq e varfër dhe sot do të ishte në një proces krejtësisht tjetër.
“Unë mendoj që ka qenë një nga gabimet më të mëdha që ka bërë Enver Hoxha, që u prish ekonomikisht me Kinën në fund të viteve 70-ta. Po, gabim se Shqipëria në fund të tranzicionit të saj nuk do të kishte qenë aq e varfër dhe në qoftë se ne do të kishim kaluar, jo në modelin politik por në modelin e zhvillimit ekonomik duke u hapur në tregun e kapitaleve në fund të viteve 70, ku e fillojë Kina atë, atëherë sot Shqipëria do të ishte në një proces krejtësisht tjetër. Pra, na ka vonuar kjo diku te 15 vjet kjo gjë”, ka deklaruar Kulla.
Emisioni ‘MATRIX’ transmetohet çdo të hënë në ora 20:40./teve1.info
