Lidhja Demokratike e Kosovës, synon që nëse vije në pushtet pas zgjedhjeve të 9 shkurtit të krijojë edhe Ministrinë për Familje.
Kandidati për deputet nga kjo parti, Gëzim Plakolli ka shpjeguar se me çfarë do të merret kjo Ministri.
Ai në “InfoNata” në Tëvë1 ka thënë se ata synojnë rritjen e natalitetit ku shpenzimet për një vit për fëmijën do të mbulohen.
“Ne do ta themelojmë Ministrinë e Familjes, kjo do të thotë se për çdo të lindur në Kosovë që mesatarisht lindin rreth 25 mijë në vit, të gjitha harxhimet për fëmijët e porsalindur do të mbulohen nga shteti. Do ta stimulojmë edhe rritjen e natalitetit, kur për çdo familje në lindjen e fëmijës së tretë LDK e ka në program që ta ndihmojë me 5 mijë euro”, ka thënë ai.
