Studiuesi i historisë shqiptare, Oliver Jens Schmit, në studion e emisionit “Info Nata” ka komentuar situatën e sigurisë në Kosovë.
Schmit deklaroi se sipas tij, është e qartë që Kosova ka rrezik nga Serbia.
“Është e qartë rrezik ka nga Serbia. Të gjithë varen nga politika e kryetarit amerikan, sepse po ai i ka marrëdhëniet shumë të ngushta me qarqet e Vuçiqit. Sot, në Rumani ndikimi rus është shumë, shumë i madh dhe organizohet nga një grup kriminelësh, oligarkësh rumunë, të cilët veprojnë nga Beogradi me mbështetje nga Vuçiqi dhe në bashkëpunim me qarqet përreth Trumpit. Ky është realiteti dhe është e qartë që Kosova, shtet që nuk është as anëtar i Bashkimit Evropian, as i NATO-s, dhe në krahasim rajonal gjendet në një pozitë edhe më të dobët në krahasim me Maqedoninë ose Shqipërinë”, tha ai në Tëvë1.
Historiani zviceran komentoi edhe deklaratat për mundësinë e tërheqjes së trupave amerikane nga Kosova.
“Mbrojtja e një shteti në radhë të parë mendoj se është mentale, pra që qytetari ta dijë se ‘pse unë duhet të reagoj?’ dhe jo në mënyrë spontane. Nuk është momenti i ‘alarmit’, por është momenti i një strategjie me shumë gjak të ftohtë. Është e qartë që po flitet për tërheqjen e trupave amerikane nga Evropa dhe Kosova. Nuk mund të mos përjashtohet mundësia që s’mund të ndodhë, ky është problemi. Çdo vend duhet të përgatitet për situatën edhe më të keqe”, tha ai./teve1.info/
