Tash e një kohë jeton qifti i moshuar Ramdani nga Kolovica e Prishtinës jeton në gjendje të rëndë mes varfërisë e sëmundjes, jeta e tyre është bërë e rëndë. E duke qenë pa përkujdesjen e askujt, e zoja e shtëpisë tash e katër ditë ishte shtrirë në mes të shtëpisë. Për këtë u dashtë intervenim nga mjekët, ambulanca e të cilëve u njoftuar për gjendjen nga ekipi i tëvë 1.
Pa shpresë e pa zgjidhje i ulur në këtë dru po qëndron i vetmuar.
Jo shumë metra larg qendrës së kryeqytetit, Feriz Ramadani tash e disa vite jeton se bashku me gruan duke pritur që dikush të ndihmojë.
Skamja e cila ka kapluar këtë çift të moshuar në lagjen Kolovicë të Prishtinës, nuk është i vetmi problem.
Pasi që katër ditë, gruaja e Ramadanit e cila është mbi të 60-tat ka mbetur e shtrirë në mes të shtëpisë.
Duke qenë pa përkujdesje e askujt, dyert e tyre këtë të hënë i hapi televizioni, me ç’rast ekipi i Tëvë1 telefonoi ambulancën.
E pas kontrollit, të moshuarën e dërguan në spital për trajtim mjekësor.
Në mes të sëmundjes e varfërisë, 89 vjecari rrëfen për jetën e vështirë.
Ai madje thotë se edhe fëmijët e tij e harruan.
Ai thotë se derën e tij nuk ia hapin për ndihmë as fëmijët.
Të ardhurat e vetme ky çift e ka pensionin prej 100 eurosh që Ramadani e merr.
E herë pas herë këta marrin ndihma edhe nga kryqi i kuq, e të cilët janë të njoftuar për gjendjen e rëndë ekonomike.
E 89 vjecari po pret nga institucionet e vendit që të ndihmojnë atij dhe gruas që vitet e mbetura të jetës të jetojnë në kushte më të mira.
