Chelsea është kualifikuar në finale të Kupës FA.
Blutë triumfuan me shifra 2:0 në gjysmëfinale ndaj Crystal Palace. Pjesa e parë e takimit u mbyll pa gola. Krejt çka vlen të përmendet është një zëvendësim i detyruar kur Kovacic i la vendin Loftus Cheek. Ky zëvendësim më vonë ndryshoi rrjedhën e lojës.
Ruben Loftus-Cheek zhbllokoi rezultatin e këtij takimi duke shënuar gol në minutën e 65’.
Chelsea mbyti ndeshjen me anë të Mason Mount, i cili 11 minuta pas Loftus-Cheek shënoi për 2:0.
Me këtë fitore, ‘Blutë’ e Londrës sigurojnë biletën për të kaluar në finale të Kupës FA.
Aty, Chelsea do të përballet me Liverpool, skuadër e cili dje fitoi gjysmëfinalen ndaj Manchester City.
Thomas Tuchel synon ta fitojë këtë trofe për ta shpëtuar sezonin, kurse Liverpool shpreson në të gjithë titujt që mund të fitohen brenda një sezoni
