Chelsea më në fund ka parë një dritë në fund të errësirës, derisa ka shënuar edhe fitoren e parë në vitin 2023 në Premierligë.
Blutë në sfidën që i takoi xhiros së 20 mposhti Crystal Palace 1:0 në stadiumin “Stamford Brigde”. Pjesa e parë u karakterizua me disa raste nga të dyja skuadrat, teksa me rrezikshëm e nisën mysafirët, duke rrezikuar me anë të Michael Olise në minutën e 21-të, por goditja e tij u prit nga Kepa Arrizabalaga.
Kurse vendasit rrezikuan me Thiago Silvas, Kai Havertz e Lewis Hall por pa arritur të dërgojnë topin në rrjetë.
Por, goli i parë dhe i vetëm i takimit u shënua në minutën e 64-të, kur Hakim Ziyech asistoi te Havertz, që e mposhti me kokë Guaitan.
Pas javës së 20-të, Chelsea vazhdon të jetë në vendin e dhjetë me 28 pikë, po aq sa ka edhe Liverpooli, ndërsa në xhiron ne 21-të do të takohen pikërisht me The Reds.
